حوار فى القلب

حوار فى القلب
مفيش طيب؟؟
مفيش حاضر؟؟
مفيش ماشى؟؟
وأقول نامى
تقول برضه
مانيماشى
وأقول إهدى
تقول لأه....
مهدياشى
كفايا كبت
مشاعرى فيكى
صبحت تلج
قتلتى إحساسى
جوه الصد
ماعدش ليكى
عندى رد
كفايا برد
شعاع الشمس باعت لك
جواب ....تدفى
نسيم الحب باعت لك
دوا ....إشفى
خنقتى الرد
ولأمته ها أعيش فى خريفك
وإذاى هاتغيرى تخاريفك
وجعتى قلبى وياكى
تعبتينى
خنقتي الضحكه جوايا
قتلتى فرحى وهنايا
تقول مبدأ
تقول الكبت لينا أروق
وادينا أهو سوا عايشين
وأدينا أهو كدا رايقين
ومين أصدق؟
ومين أوهامه تتصدق
خلاص تعبت
خلاص نسيتى إنك ست
وليكى إحساس؟؟
خلاص مشاعرك
صبحت تايهه بين الناس؟؟
كفايا خلاص
العشرة معاكى
بقت فعلآ...مستحيله
لاتقولى إهدى ولا إنسى
بلانيله
خنقتينى...قتلتينى...حرمتينى
وطول العمر بتمنى
يكون بينا دفا وإحساس
مشاعر فينا ماتنقاس
قلوب صافيه
تعيش ع الحب والإخلاص
أقول إهدى
تقول لأه مهدياشى
أقول نامى
تقول لى خلالالالاص
مانيمااااااااااااااااااشى